Konfrensia Our Work Our Lives

Relatóriu Konferénsia

Konferénsia Ita-nia Servisu Ita-nia Moris (Our Work Our Lives – OWOL) kona-ba feto sira no relasaun industriál) mak hala’o tiha iha loron 1 no 2 Setembru, 2011 iha Arbiru Beach Resort iha Dili, Timor-Leste. Konferénsia ne’e mak konferénisa Ita-nia Servisu Ita-nia Moris ba dalahaat no ida ‘internasionál’ ba dahuluk . Konferénisa inaugurál mak hala’o tiha iha Queensland iha tinan 2006, organizadu liuhosi QWWS no Universidade Griffith, ida ba daruak mak hala’o iha tinan 2007 iha Adelaide, organizadu liuhosi SAWWC no id aba dalatoluk iha Darwin iha tinan 2010.

Ideia ba konferénsia ida-ne’e mosu iha Konferénsia OWOL iha Darwin iha 2010. Sentru Feto Servisu sira mak fó-suporte ba ideia atu estabelese Sentru ida iha Timor-Leste liutiha Elizabeth de Araujo, Koordenadór Apheda nian ba Timor-Leste mak asiste Treinamentu Sindikalista Anna Stewart iha Adelaide iha 2008 no vizita tiha WWC SA. Sentru 3 mak servisu tiha ona hamutuk ho Apheda hosi tempu ne’ebá hodi promove ideia, dezenvolve estratéjia no planu ida, asegura finansiamentu hosi AusAID no harii kapasidade liuhosi fahe rekursus, suporte ba pesoál sira no konsultánsia.

Elizabeth mak iha hakark boot atu lori bá oin ideia atu estabelese WWC ida iha Timor-Leste no atu lansa iha tinan 2011 iha konferénsia internasionál ida. Normalmente Konferénsia OWOL sira mak planeadu atu hala’o kada tinan rua maibé se karik hala’o hanesan ne’e bele kona Timor-Leste nia eleisaun iha 2012 no ema hotu sente katak Konferénsia ne’e tenke halo lalais liu duké tarde liu.

Konferénsia ida-ne’e mak organizada liuhosi grupu Komité Volante ida iha Timor-Leste no grupu Komité Volante iha Austrália ho suporte akadémiku hosi Universidade Austrália Súl no Universidade Teknolojia Queensland.